الخط الزمني::

٢٢ فبراير ٢٠٢٤ عُقدت أول جلسة وكانت في صالون البيت تحت عنوان: جلسات صُنع السيراميك في الصالون. كانت تلبية لنداء صديقات مشتل الموجب إنهم حابين يصنعوا سيراميك. عملتها بالصالون عشان ما لقيت محل أعمل في الجلسة. كنت في غاية التوتر، كونه كنت أول مرة بوقّف أمام بني آدمين وبحكي وبشرح عن الصلصال وأكون مسؤولة عن الجو العام إنه يكون زابط. استمرّت جلسات صُنع السيراميك في الصالون لمدة سنة بشكل مُتقطّع.

أبريل ٢٠٢٥ رحّبت بنا روان صدر صاحبة ستوديو كركم لاند على استضافة جلسة صُنع السيراميك في الستوديو.

يوليو ٢٠٢٥ كانت جلسة صُنع السيراميك جزء من المُخيم الصيفي الصغير بكركم لاند، شارك ٣ فتيات أعمار ٨ سنوات والنتيجة: ٤ قطع سيراميكية لـ٤ تقنيات بناء يدوي. 

١ أبريل ٢٠٢٦ وُلد ساطع بإحدى جلسات صُنع السيراميك.

١ مايو ٢٠٢٦ عُقدت أول جلسة سيراميك حُرة: وهي جلسة بلشت بناءاً على رغبة المُشاركين المُتكررين (أخدوا ٣ جلسات وأكتر) إنهم بدهم يقضوا وقت أطول مع الصلصال. الجلسة بتكون لساعات أطول، غير إرشادية تُتيح التجربة والسرحان مع الصلصال. حالياً عم بتكون مرّة بالشهر.

حتى يونيو ٢٠٢٦ صار مشارك ١٠٠+ إنسان، منهم شاركوا مرة واحدة ومنهم يتكررون بزيارة الجلسة ليستمعوا إلى المزيد من القصص عن سمير.

صور نتائج جلسات صُنع السيراميك في آخر الصفحة.

مميزات جلسة صُنع السيراميك.

١. تتعلموا وتصنعوا مُعجزة سيراميكية وتشعرون بالإنجاز والسعادة!

٢. تتصلوا بالجانب الإبداعي والخيال.

٣. تتعرفوا على ناس كيوت.

٤. تسمعوا قصص عن سمير من سارة سُعاد سميرة وممكن قصص عشوائية كمان.

٥. تشربوا شاي لذيذ.

كيف الاشتراك بجلسة صُنع السيراميك؟

من خلال رسائل إنستاغرام لما يكون في إعلان على الصفحة إنه في جلسة مُتاحة في اليوم الفلاني الساعة الفلانية.

أو ممكن ترتبوا معي وتحددوا يوم وتحجزوا في حال كنتوا مجموعة ٤+

شهادات عن المُشاركين بجلسة صُنع السيراميك

“افضل نشاط للهروب من العالم واستكشاف أشياء جديدة عن حالي. بحب لما ابدأ بدون اي خطة واشوف وين الصلصال بياخذني معه، في جزء تأمل رهيب والوقت بيختفي. انصح بالجلسات لأي حدا نفسه يعمل يوغا بس ما عنده رُكب شغالة.”

ـــ أُميمة.

“من أمتع الجلسات اللي شاركت فيها وصراحة كنت محتاجة اصنع شي فني عشان اقدر أستعيد شغفي كنت متأكده اني رح احس بالسعادة اذا شاركت معك سارة عشان هيك اخترت جلسة صنع السراميك بالذات معك”

ـــ آلاء.

“اجمل جلسات نتمنى انه تصير اطول”

ــــ سلام.

تواصلوا معي للانضمام للجلسة أو لاستضافة جلسة صُنع السيراميك في مساحتكم!

مُخرجات جلسة صُنع السيراميك.

١. المُعجزة السيراميكية اللي صنتعوها.

٢. شهادة مُشاركة تُبروز على الحائط بفخر.

٣. ستيكر من تصاميم سارة سُعاد سميرة السيراميكية.

٤. ستيكر عبارات تشجيعية.

٥. كلهم محطوطين بكيس جميل جداً.

ملاحظة: للأسف سمير ما بكون حاضر جسدياً معي بالجلسات. دموع. بس بكون حاضر من خلال القصص.

بكون بالبيت بانتظار والدته أن تعود من العمل. شي يوم برجع يشرف على جلسات صُنع السيراميك لما يصير عنا أجمل ستوديو بكل كوكب الأرض.